قال ليش في العالم الثالث فيه استبداد واستعباد العباد

بسم الله الرحمن الرحيم

اسكت بعدين برفش بطنك وحسابك في دار

اسكت اخرس شو بفهمك لساتك صغير
واحترم لما الكبار يحكو فش تقول لا لازم تسكت وما ترد عليهم مش هم كبار وانت لساتك صغير

للاسف هذه جمل وغيرها تعشش في عقول الكثير
من الشباب المسلم والعربي بدء يسمعها وهو في صغر ومع تكرر مثل هذه الجمل طلع شب عندنا ما بعرف

يتخذ قرار وتشكيل راي خاص به
بتلاقيه دائماً متردد حتى اذا تمرد على هذا الواقع سيئ

بصبح شخص سلبي جداً للمجتمع عامه والاسرة والبيئة المحيطه خاصه

فكثر من قصص نسمعها ونعرف كثير من الاشخاص كان يعيشو

في اسر مثل هيك دائماً شتم وضرب واستبداد فطلع لنا شب سلبي في مجتمع اما بدخن ومخدرات وبسرق واما حوار وعي عندو صفر

وللاسف دائماً تجده حاقد على المجتمع وهذه للاسف موجده بكثره

ولكن سؤال بطرح نفسو

من يون ياتي الاستبداد في العالم الثالث ؟

قبل ما اطرح وجهة نظري

سوف اعرف لكم الاستبداد

لغة هو غرور المرء برايه والأنفه عن قبول النصيحه او

استقلال في راي والحقوق المشتركة

ولكن سؤال الاهم الذي من اجله

من اين يبدء الاستبداد

هل من اعلى الهرم

ام من النواة المجتمع الاسرة

بنسبة لي اجد الاستبداد ببلش من اعلى الهرم

عندما يكون مسؤال لا يقبل المحاسبة ويرفض الحرية ويقمعها بكل وسائل المتاحه وغير متاحه

ويحاسب كل شخص يقول كلمة حق ويبدهل ويشتم الموظفين الذين يعملون عنده

وبنشف دم المواطن

تلك الاعمال مش راح يسلم منها المحطين به سوف يصبحون

مثله مستبدين الوزير المدير العام يصبح مستبد على موظفين

ومدرس مستبد على طلاب وقس على ذلك

في نهاية راح يصفي بان المواطن راح يعكس ما اكتسبه من استبداد

ويسلط كل غضبه على اسرته كونه لا يستطيع ان يقول للمدير او رب عمله

بانك مخطئ او ما بصير هذا الحكي

فلذلك يجد نفسه يطبق ذاك نظام على اسرته

وفي نهاية بطلع الناتج بان الابن يكتسب ذلك ويعكس ذلك على المجتمع وجيله

هذه وجهة نظر قد تصيب او تخطئ

يا بيه محلا تدريس في الاردن

البقعه زيارة خاصه

بسم الله الرحمن الرحيم

هلا وغلا

اليوم حاب اكتب او الاصح انقل موضوع كتبته في منتديات كورة ستار تايمز

كان بعنوان زيارة خاصه تحت اسم عضوية لاجئ

موضوع كان عباره عن تقرير مفصل من الانطلاق من البيت الى الرجوع الى البيت

عن منطقه فقيرة جداً مهمل جداً من قبل الحكومة

اسمها الحرشة الاسم يدل عليها تقع في البقعه منطقه اغلب بيوتها من زينكو

هذا رابط موضوع الاصلي

http://forum.kooora.com/f.aspx?t=4208508

ولكن حاب انقل لكم صورة

كوني مقتنع بمقولة

الصورة أصدق إنباء من الكتب

من تجربتي شخصية صدقاً ان تلمس الواقع وإن تصوره

له اثر اكثر من ان تقرأ عنه وتسمع عنه

من زيارتي لتلك المنطقة صدقاً شعرت ان ناس محتاجين

لواحد يسمعهم شافوني غريب لابس لبس غريب بنسية الهم ماسك كمره وبصور ومعاه دفتر وبسجل

قالو شكلو واحد غريب صدقاً ما في مره بتلك المنطقة الى اجت وقالت شو بدك يا بني

مشكلة اطفال معاي قالو ونشرو خبر اني قاعد بسجل اسماء من اجل تبرعات وصدقاً ظرف 5 دقائق

كل نساء المنطقة التفن حولي ما بعرف شو اسوي خوفت اقولهم انا مجرد مواطن بسيط شب بحب عمل التطوعي حاب يساعدكم ويحاول نشر مشكلتكم ويعرضها لناس الى معها مصاري والباقي على رب العالمين

توقعت هذا كلام مش راح يفهموه ممكن سمعوي كلام كثير مثل هيك

فللاسف سجلت اسماء نساء وهنا انبسطو كثير لان فكروني راح ارجع واعطيهم تبرعات

عاد صدقاً نادم لاني كنت مش متاكد اذا ممكن اقدر اساعدهم

الله بعين بس صدقاً ما عجبني في تلك المنطقة وفي البقعه بشكل عام إن نسبة تعليم في البقعه عاليه جداً

ونسبة المهندسين والاطباء نسبة عالية بلمقارنه مع المناطق الاخرى

صحيح هناك تسمع ان منطقة البقعه يوجد فيها اناس تبعين مشاكل ومخدرات

صدقاً ما بستغرب ذلك في ظل تلك الاوضاع التي يعيشها المخيم ومنطقة البقعه اهمال وتهميش لتلك المنطقة

بشكل مروع يكفي انا البقعه وعين الباشا يتجاوز عددهم 300 الف لا يوجد سوا نائب واحد يمثلهم

هذا بحد ذاته تهميش واضح للمنطقة

اعذروني اطلت الحديث ولكن صدقاً جو قلب اكثر من ذلك

وزي ما بقول المثل خليها في القلب تجرح ولا بره تفضح

محاضرة تربية وطنية

دائماً اكتب كلمة اسكت واصمت على دفتر

او جملة لاتنسى حالك انت مواطن اردني

عندما يبدء دكتور بتحدث عن شيئ عن تاريخ وموضعات

فيها مغالطات كثيرة مشكلة بعرف انو بحكي غلط بس مشكلة ما بقدر احكي

ببقى صامت وساكت حتى لا احدث مشاكل مع دكتور ومع بعض طلاب

الذين سوف يعتبرو حالهم وطنيون في تلك ساعه

مشكلة بان طلاب بكونو عاله على الاردن ما قدمو شيئ ايجابي للاردن بس شغل حكي

وما بنغص عليك الامر اكثر

إن دكتور بقولك انا دمقراطي عندي شفافية

هو بين وبين دمقراطيه واد

يعني اذا بدك تكتب اشي لازم ترد عليه هوبعطيك المرجع

مثل ما حدث معاي بقصة ثورة العربية

كنت حاب يكون مصدر معلوماتي

هو كتاب تاريخ فلسطين المصور للاستاذ طارق سويدان

كتاب غير ممنوع في الاردن مسموح

تكلم الاستاذ طارق بحياديه مطلقه وحتى خفف شوي من اجل رقابة

وكان مصادرو موثقة

اخبرت دكتور طبعاً قال لا في مرجاع في مكتبة روح راجعها

وقال لي قبل ما تيجي على محاضرة ورجينا شو كاتب

قبل ما تقول اشي قدام طلاب

خايف دكتور اخرب اخلاق طلاب وادخل عليهم ثقافة دخيله

مشكلة هذا انا وبدي يكون مرجع كتاب تاريخ فلسطين المصور الذي هو مسموح في الاردن

كيف لو بدي اجيب كتاب فلسطين ومؤامرة الكبرى ممنوع في الاردن

ولا مراجع المخابرات البريطانية يكون المرجع

شو كان عمل معاي

نائب وناخب وخدمات

بسم الله الرحمن الرحيم

السلام عليكم ورحمة الله وبركاته

اما بعد

نائب وناخب وخدمات

هذا العنوان هو محور الحديث في الشارع الاردني

كون إن الانتخابات النيابية اصبحت على الابواب

طبعاً شيئ طبيعي تجد حديث ومناقشات بين افراد العائلة

والاصدقاء ومعارف

قسم مع الانتخابات وقسم ضد الانتخابات

وجزء ثاني يقول بان صوته للعشيريه

وقسم اخر صوتي لولاد الحلال

وقسم اخر صوتي للي بخدمني

وقسم اخر صوتي للي بدفع اكثر

في فترة سابقة كان هناك نقاش بيني وبين رفاق واصدقاء لي

بخصوص ما يسمى العرس الديمقراطي

الجميل في الموضوع بان الرفاق كانو متعدي الافكار وتوجهات

فمنهم كان مع الانتخابات ومنهم ضد

والاخر صوته للعشيرته وثاني لولاد الحلال والاخير صوته للي بدفع اكثر

اما انا سوف اكتب راي

نقطة الاولى

انا مع الانتخابات كوني اجد إن الانتخابات طريق من اجل تغير

وسيلة سلمية من اجل الارتقاء وقضاء على فساد وحصول على الحرية

صحيح انه هنالك خلل وفساد مستشري

ونظام تصويت فاشل الى وهو نظام الصوت الواحد الموجد حصرياً فقط في الاردن

وتوزيع العشوائي للمقاعد نيابية

يعني زرقاء فيها عدد سكان يتجاوز 350 الف لها 10 نواب

اما مدينة سلط عدد سكانها لا يتجاوز 130 الف لها 10 نواب

وغيرها من المدن مثل معان والكرك ومفرق نفس الفكرة

يعود سبب ذلك الى ان تلك المناطق تتمتع بنظام عشائري

عكس مدينة زرقاء وعمان التي تتمتع بوجد معارضة حقيقية

ممثله بتيار الاخوان المسلمين جبهة العمل الاسلامي

وبعض المستقلين مثل ملحس وتوجان الله يسهل عليك

نقطة ثانية

بخصوص صوتي لمين؟طبعاً لابن الحلال نائب الوطني نشمي

راح يحكي واحد شو انت مستفيد ليش ابن حلال؟

اقولك ليش

قبل ما اقول بدي اسال نائب الاردني شو مهمتو؟

هل يعين واحد ولا يدخل واحد جامعه ولا يحط حاوية زباله

ولا مهمه الاساسية للنائب هي تشريع وسن القوانين؟؟؟

طبعاً نائب وظيفته سن قوانين وتشريعي

فلو مواطن بدو خدمات

ليش ينتخب طالما هناك شخص اسمو رئيس البلدية متكفل بهك امور

راح يقول واحد طيب عمو نائب بدخل ابني على جامعه وبوظف ابني

نعم كلام سليم وموجد للاسف في الواقع

ولكن نائب لما يدخل ابنك على جامعه

على حساب مين بدخل ليكون على حسابو الخاص

مش على حسابي وحسابك مش على حساب واحد احسن منو

ومش كمان بحط زياده في جامعه يعني الجامعه الاردنية استيعابها 20 الف طالب

والان يوجد فيها 40 الف طالب يعني 20 الف زيادة هذول جين من الواسطة ونائب وديوان

خليها على الله

ونفس الحكي على وظيفة لما يعين ابنك في وظيفة بصير عندنا مشاكل كبيرة منها بطالة مقنعه

وضرائب طبعاً بتعين بدل واحد اكفئ منو واجدر منو بالوظيفة

حتى ابري ذمتي للاسف اخوي كان بدرس في جامعه الاردنية عن طريق واسطه

وحتى اقاربي مع واسطة ومصالح

بنسبة الهم انا غريب كوني بحب تغير للاحسن

مش عرفين لمين طالع انا

بس حلو في موضوع اذا صار ما صار بقدرو يدبرو واسطة

عشان يطلعوني من بيت خالتي

صح تعرفو شو بيت خالتي؟؟؟؟؟

نقطة ثالثة

يا مسكين يا مواطن يلي بتبيع صوتك

ليش بتبيع صوتك؟

لسان الذي يبيع صوته بقول يعني مش راح نقدر نغير

مش راح نستفيد راح يبقى حال نفسو و راح يزداد سوء

هذا على حد قول الذي ببيع صوته

هذا تفكير مهزوم جداً وهمه صفر لتغير

شكلو ناس ما تقرا تاريخ ان تغير لا ياتي بين يوم وليله

بل عشرات سنين من اجل تغير والارتقاء

ومش عارف المسكين الذي يبيع صوته بان نائب

راح يطلع 50 دينار التي دفعها لك من جلدك خاوة عنك من خلال موافقته على القرارات

التي تسنها الحكومة الموقرة مثل غلاء بنزين ورفع دعم ورفع اسعار وخصخصة المؤسسات الحكومية

مين بوافق عليها شعب ولا نواب؟

في نهاية

خي انت مواطن والاردن بدها ناس بتخاف عليها شباب واعي مثقف

بعرف شو غلط وبعرف شو صح

اعطي صوتك للمرشح مش العشيرة ولا الخدمات مرشح نشمي الي هو مع ابناء شعب

سوء كان فقير او غني بوصل كلمتي وكلمتك راي ورايك

برفض وبقول لا انا ضد هذا قرار الذي ضد مصلحة شعب

هيك بدنا نواب

وقبل ما اختم

اتذكر خي وخيتي انا اتفاقية وادي عربة كانت بموافقة مجلس نواب الاردني

توجان فيصل

بسم الله الرحمن الرحيم

في الفترة الماضية اصدر قرار بمنع النائبة السابقة

توجان فيصل من خوض الانتخابات النيابية

التي تم سجنها بسبب اسباب سياسية بحتة بسبب ممارستها حق كفله الدستور الاردني

هو الحرية في كلام

بعد توجيه تهم الى وزير الوزراء في عام 2002

وكان ريس هو ابو راغب

وهذا رسالة بعثتها توجان الى الملك عبدالله الثاني حفظه الله ورعاه

http://arabmail.de/16.3.02jordan.html

ما اود إن اقول للذين لا يردون مصلحة الوطن والذين لا يستمعون لكلام جلالة الملك عبد الله الثاني

الذي دعى الى حرية الصحافة وحق المعرفة وقضاء على فساد

ولكن للاسف يوجد اناس لا تريد ذلك وتسعى الى ابقاء ناس ساكتين من خلال سجنهم او تلفيق التهم الباطلة

ولكن مهما فعلتم ومهما اعتقلتوم ومهما مارستوم ضغوط سوف يصحو شعب على ضلمكم وفسادكم

وسوف يفضحكم يا من تسعون الى تشوية صورة الاردن وفساد

الذين دائماً يسعى ملكنا الى تحسين صورة الاردن

وعقد المؤتمرات وجذب الاستثمارات

وتحسين مستوى المعيشة من اجلنا نحن

فبوركت يا ملكنا على هذا المجهود

واتمنى ان يتم قضاء على فساد والمحسوبية

والاهمال وحالات التسمم

الله يسامحك يا

بسم الله الرحمن الرحيم

هلا وغلا

احم احم

صرلي فترة كبير غائب عن الكتابة

سبب بسيط جداً صرت طالب جامعي

في جامعه من هل جامعات الاردنية

ترى كنت مش ناوي اكمل دراسة جامعة بسبب انشغالي مع الوالد بالعمل

بس صديق والدي بكون عميد شوؤن الطلبة في الجامعه التي ادرس بها

اقنع والدي بان ارجع للجامعه منو بتعلم لغة الانجلزية ومنو بتعرف على ناس

صار الي صار وسجلت مشكلة صديق والدي صورلي الجامعه بانها افضل جامعة الى شوي صارت كسفورد

ومكتبة الجامعة مكتبة ما شاء الله فش بعدها كانها الكونغريس

وقال الي في مسجد جميل هذه الوحيده التي صدق فيها

اما الباقي لا للاسف

ولكن الحقيقة جامعه الى الان سيئه جداً

بيئة الجامعية يوجد فيها عشائر بتالي هناك طبعاً يوجد عنصرية

ويوجد معارك بين العشائر من أجل اسباب تافه جداً

الاول

مثل عشان بنت ساقطه تجد مبرر بعد الطوشة

انا البنت من عشرتو وقاعد تحكي مع الغريب يعني هو ما بسوي مشكلة لانها تحكي مع غريب

وما بتحكي معاه ولكن بعمل مشكلة لان شرفو ما بسمح الو تحكي مع الغريب

بس شرفو بسمحو الو تحكي معاه

شباب كلو نخوة وشرف شيئ برفع الراس

الثاني

او ليش تطلع علي

بمشي شب اذا شاف واحد طلع عليه

اذا شافو شكلو اهبل وطالب اصغر منو او اذا كان معاه شباب

بتلاقيه بروح عند شب الي طلع عليه وبقول ليش تطلع علي

مضيع بوجهي بريزة ولا شو القصة

شب ما بعرفي شو بدو يرد بقول اسف وبعتذر واحياناً بفور دمو

وبقول اه طلعت شو بدك

وكلمة من هون وتهواية من هون بتولع طوشة

الثالث

او هذا مكاني

ليش قاعد مكاني هذه منطقة منطقتي

اه مهو نسي القاعد انو ذاك المكان مطوب باسم الاخ

والاخ وارث هذه المنطقة او ذاك الكرسي

من زعيم سابق الذي تخرج من جامعه

اظن هذه الامورغير غريبه عن الجامعات الاردنية بشكل عام

ويوجد هناك اسباب كثيرة تجعل الجامعة فاشلة

تخيل بان جامعة تحوي فوق سبعة الاف طالب وطالبة

لا تحوي على مجلس طلبة صدقاً شيئ مخزي جداً

مش عارف كيف طلاب ساكتين على هذا الحال

الجامعه تاسست منذ عام 1991

قبل 16 عام

وما مر مجلس طلبة واحد

مش عارف طلاب لمين بشكو ومين بدافع عنهم

حتى الجامعة لا يوجد فيها توجهات اسلامية او وطني او قومي

ممنوع ذلك

اما المكتبة صدقاً شيئ مخزي

ما فيها كتب معروفة جداً

تخيلو معاي كتاب مقدمة ابن خلدون مش موجد في المكتبة

صدقاً شيئ بخزي

اما ارشيف البحث عن الكتب في المكتبة

ما شاء الله عنه كتاب بكون في جهة وبحث بطلع معاك انو كتاب في جهة اخرى

كنت ابحث عن كتاب اسمو كيف تكسب الاصدقاء وتؤثر في الناس

طلع الكتاب انه في رف رقم خمسة

ذهبت هناك قلبت رف كامل لم اجد كتاب اخبرت مسؤال

ابتسم وقال دور كويس

انا سمعت ودورت ما لقيت كتاب

قولت الله بعين خلينا نتصفح شو في المكتبة

وانا اتصفح الرفوف وجدت الكتاب

عن طريق صدفة

وكانت لي تجربة اخرى في كتاب اخر اسمه من روائع حضارتنا

المشرف اعطاني عن طريق البحث مكان الكتاب وفي اي رف

للاسف لم اجد كتاب

وادعولي بلكي اجد الكتاب عن طريق الصدفة

ولكن الي مصبرني في الجامعة

صديق والدي كونه عميد الجامعه ممكن يزبطني عند الدكاترة

ويوجد قريب لي يدرسني يعني ممكن نزبط حالنا في الجماعه

وسبب اخر

هو تعرفي على شباب ما شاء الله عنهم صحيح ان الفترة تعارف قليلة ولم تصل الى الاسبوع

ولكن صدقاً مرتاح بوجدهم وخاصه بانهم طلاب هندسة يعني في اغلب راح يكون عندهم وعي

وسبب اخر

هو وجود دكتور عمر دكتور ما شاء الله عنه

دكتور ملتزم واعي وخدوم وبقدم نصائح وصاحب فكر

واقل ما فيها شاطر فكري بان الجامعه فاشلة ونصحني

بي كيفية تعارف وتغير

ويوجد سبب اخير

هو مشاهدت

ذاك الوجه

في نهاية الله يسامحك يا

صديق والدي

وعسى ياتي اليوم واشكرك لانك سجلتني في هذه الجامعة

الله بعلم